Zapatuan, 15:45ak aldera, izan ziren gertaerak. Herrizaingo Sailak aditzera eman duenez, eztabaidan hasi ziren bi lagun eta, halako batean, batek besteari eraso egin eta 15 zentimetroko labana sartu zion bular inguruan.
Ertzainek abisua jaso eta bertaratu zirenean ohartu ziren atarian eta eskaileretan odola zegoela eta arrastoak etxebizitza batera eroaten zituztela. Etxebizitzaren ate aurrean topo egin zuten gizonezko batekin, bularrean zauriak zituena, bizilagunak alboan zituela.
Zauritua ospitalera eroan eta ertzainak ustezko erasotzailearen bila hasi ziren. Etxe inguruan aurkitu zuten lasterrera eta atxilotu egin zuten. Ustezko erasotzailea, 43 urtekoa, komisariara eroan zuten eta epailearen aurrean utzi du poliziak.