Iturbide egoitzako kontzertuan Gabon kantak abestuko dituzte Goikobalu Gaztekoek, aiton-amonen gozamenerako. Emanaldia 17:15ean hasiko da.
Errenteriako Gabon txapelketan, 15.aldiz
Bihar, hilak 30, Ereintza elkarteak antolatzen duen Errenteriako 65. Gabon txapelketan egongo dira. Aurten 15. aldiz hartuko du parte Goikobalu Gazte abesbatzak txapelketa horretan –irudian, 2009ko edizioa–. Eva Ugalderen Dizdizka Zeruan eta Luis Elizalderen Hator, hator abestuko dute eta espero dute Urrezko saria ekartzea Arrasatera.
Hamabost urte hauetan birritan igo dira lehen postura, urrezko garaikurra eskuratuz –2006an eta 2008an–. Jakinarazi dutenez, abesbatzako kideak "indar guztiekin" ari dira egun hauetan ahotsak berotzen garaikur bera hirugarrenez lortzeko.
Helduen taldea, Arrasate Musikalen urte amaierako kontzertuan
Amaitzeko, hilaren 31n Goikobaluko helduen taldeak Arrasate Musikaleko bandarekin batera urte amaierako kontzertua eskainiko du Amaia antzokian, 13:00tan hasita. Besteak beste Händelen Hallelujah abestuko dute bandaren laguntzarekin.