Ibai-Artek, Arrasateko Merkatari eta Zerbitzu Elkarteak, 100 otzara banatu ditu gaur bezeroen artean. Modu honetan saritu nahi izan du abenduaren 1etik aurrera elkarteko establezimenduetan erosketak egin dituztenen eta Ibai-Arteko txarteldunen fideltasuna.
Gabonetako produktuez osatutako otzarak dira banatu dituztenak. Turroiak, polboroiak, patxarrak, ardoak, iberikoak..., denetik eta onetik; gatzetik zein gozotik.
Bezero zortedunek gustura hartu dituzte otarreok, krisi sasoi hauek gozatzeko lagungarri. Eta, Ibai-Artek ere, positiboki baloratu du aurten bigarrenez antolatu duten ekimena. Hala aitortu digu Miren Lasagabaster Ibai-Artekoak.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.