Sailkapeneko azkena etxean hartuta, partidu zailenetarikoa ez zen aurreikusten, baina, hala ere, Mondrako emakumeak "oso serio" ibili ziren partidu osoan, Andoni Ezkurra entrenatzailearen esanetan; gainera, "zelaian ur asko zegoen, eta alde horretatik partidu zaila izan zen", dio Ezkurrak. Ezohiko jokalariei minutuak emateko aprobetxatu zuen partidua entrenatzaileak.
Hasieratik etxekoak joan ziren jokoa menderatzen, eta bina gol egin zituzten zati bakoitzean. Golegileak Alonso (1), Melanie (1) eta Maitane Roa (2) izan ziren.
Iruñera
Orain, Gabonetako atsedenaldia hartuko dute Mondrako emakumeek. Urteko lehen hitzordua Osasunaren zelaian izango dute.