Ertzaintzaren prentsa oharra:
Ertzaintzako Eibarko agenteak trafiko kontrol bat egiten ari ziren N-634 errepidean, eta Eibartik pasatzean ibilgailu susmagarri bat geldiarazi zuten. Bertan lau pertsona zihoazen, eta horiek identifikatu ostean, delituzko historial zabala zutela egiaztatu ahal izan zuten. Halaber, ibilgailuaren gidariak ez zuen gidabaimenik, ondorioz, bide segurtasunaren kontrako delitua egotzita auzipetu zuten. Agenteek ibilgailua ikuskatu, eta hamabost ordenagailu eramangarri aurkitu zituzten, azken horiek ostegun goizaldean lapurtuak ziren Azkoitiko (Gipuzkoa) saltoki batean. Agenteek bertan aurkitzen ziren bi pertsonek telefono mugikorrak eta material elektronikoa (38.000 eurotan baloratua) Arrasateko Eroski hipermerkatuan lapurtzen ibili zirela egiaztatu zuten.
Gertakizun horien aurrean, agenteek lau lagunak atxilotu zituzten, ondarearen kontrako delitu bat egin izana egotzita.