Arrasateko Bildu eta Aralar, 'Ein deigun bidie' ekimenarekin

Arrasateko Bildu eta Aralarreko hautetsiek konzentrazioa egin dute 13:00etan, Herriko plazan. Urtarrilaren 7ko Bilboko herri mobilizazio orokorrerako deia luzatzen diharduen 'Ein deigun bidie' ekimenarekin bat egiten dutela erakutsiz honakoa adierazi dute: "Une historikoa bizi dugu Euskal Herrian, ETAk borroka armatua behin betiko uzteko konpromisoarekin. Bizi dugun aukera historiko honen aurrean, Aralarrek eta Bilduk eskatzen dugu: euskal preso politikoen eskubideen errespetua, dispertsioaren amaiera eta preso guztien Euskal Herriratzea, eta zigorra beteta eta gaixotasun larriak dituzten presoen askatzea".