Ekintza horien artean nabarmentzekoak dira herrian zehar egingo den Altxorraren bila erraldoia eta urteari amaiera emateko egingo duten azken festa –kontzertua barne–. Horretaz guztiaz gain, egun horietan irteera bi egiteko proposamena ere badute gaztetxokeroek. Abenduaren 27an Gasteiz aldera joateko asmoa dute, izotz pistan ibili eta eguna Arabako hiriburuan pasatzeko. Bestetik, abenduaren 28an Euskal Herriko selekzioak jokatuko duen futbol partidua ikusteko irteera ere antolatzen dabiltza. Irteera horietan izen emateko azken eguna domeka izango da, abenduak 18.
Urtero moduan gazte txokoetan eskaintza berezia egongo da Gabonetako opor garaira begira. Hasteko, baina, aste bukaera honetan bertan Gabonetan egiten diren opariak erosi beharrean, opariok euren eskuekin egiteko aukera eskainiko diete hezitzaileek erdiguneko gaztegunean. Bestalde, Gabonetako opor garaian, hilaren 26tik 30era, erdiguneko gaztegunea irekita egongo da 17:00etatik 21:00etara. Denetariko ekintza eta lehiaketak prestatu dituzte.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak