Izan duen arrakasta ikusirik bigarren ikastaro bat antolatzea erabaki dute Musakolan. Urtarrilaren 2an emango diote hasiera eta hilabeteko iraupena izango du. “Gimnasia hau bai gizon, bai emakumeendako dago bideratua. Adinari dagokionez adin guztietako jendeari dago zuzendua”, adierazi dute antolatzaileek. Saioak astelehen eta eguaztenetan egingo dituzte 17:30ean eta 20:30ean. Prezioa 45,75 euro da, Aukeako bazkideendako 35,75 euro.
Konstantzia behar dutenendako
Ikastaro hori eginda duten pertsonek baina ariketak etxean egiteko zailtasunak edo konstantzia eza dutenentzat bigarren ikastaro bat proposatzen dute. Gimnasia hipopresiboa egina duen edonorendako litzake. Ikastaroa urtarrilaren 16an hasiko da eta astelehen eta eguaztenetan egingo dute 17:30ean eta 20:30ean. Izenematea zabalik dago Musakolako bulegoan.