Arrasateko Bai Euskal Herriari ekimenak hainbat ekitaldi antolatu ditu datozen egunetarako. Zapatuan, hilak 17, bertso afaria egingo dute Irati elkartean. Miren Amuriza eta Igor Elortza izango dira bertsolariak. Afaria 21:30ean izango da eta dagoeneko salgai daude sarrerak 12 eurotan Irati eta Basati tabernetan. Bestalde, autobusa antolatu dute hilaren 28an Bilbon egingo den manifestaziorako.
Abenduaren 28an Euskal selekzioak eta Tunisiak jokatuko dute futbol partidua San Mames futbol zelaian. Aurretik egingo dute manifestazioa; bada, Bilbora joateko autobusa jarriko dute. 15:00etan irtengo du autobusak Garibai kaletik eta itzulera partiduaren ondoren izango da. Autobuserako txartelak Irati eta Basati tabernetan daude salgai.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.