Irla bat da antzezlanaren eszenatokia. Urakan baten mehatxuaren aurrean irlako txoriek ihes egiten dute, baina ez guztiek. Izan ere, desberdinak izateagatik hegan egiteko ezintasunak dituztenak bertan uzten dituzte abandonatuta. Atsekabearen aurrean, biziraupenaren aldeko borroka hasten dute han gelditu diren lau txoriek: daukaten janari urria bereganatu gura dute guztiek, taldean boteretsu sentitu gura dute laguna baztertuz eta arrazakeriaz eta berekoikeriaz jokatzen dute.
Bukaerako mezua, baina, argia da: taldean eta elkartasunez, lagun urkoari lagunduz, dena politagoa eta errazagoa da.