Arrasateko Harresi aretoan ipini ditu erakusgai lehenengoz Maite Urtzelaik bere lanak. Bergararra sortzez, 39 urte daramatza Arrasaten eta duela hamaika bat urte ekin zion orain erakusgai dauden pinturak egiteari. "Harresin ikusgai daudenak egindakoen %10 baino ez dira" dio. "Egunero pintatzen dut, eta hiru egunetan amaitu dezaket lan bat".
Bizitasun itzela dute koadroek, nahiz eta gehienak paisaiak izan, koloreak oso direlako indartsuak. Guztira 30 bat koadro inguru daude; erretrato bat izan ezik, denak paisaiak. Aipatu erretratoa, Amedeo Modiglianiren koadro baten kopia da.
Atzo ireki zuen erakusketa Urtzelaik, eta abenduaren 19ra arte izango da ikusgai ohiko ordutegian; astelehenetik egubakoitzera 18:00etatik 20:00retara eta zapatu eta jaiegunetan 12:00etatik 14:00tara, eta 18:00retatik 20:00retara.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.