Santamasak herrikoi eta parte hartzaile datoz aurten ere

Arrasateko hainbat kultur taldek, Udalak eta Santamas komisiñuek aurkeztu dute aurtengo Santamasetako egitaraua. Aurten ere jai herrikoi eta parte hartzaileen aldeko apustua egin dute: "Jai herrikoi eta parte hartzailiek aukera ezin hobia die abenduko freskuran herriko kalietan galdu, txistorra jan eta sagardo apur bat probau eta aurpegixen beste irribarre bat marraztute etxera itzultzeko. Ondo pasau Santamasetan!". Egitarau oparoa prestatu dute, haur gazte zein helduendako: krisiak krisi, txerria gizendu –aurten Garagartzakoa da gainera– eta herria saltoka ibiliko da aurten ere.

• EGITARAUA ETA KARTELA ALBISTE BARRUAN
• Aurtengo Santamasetako txerria, Garagartzako Korreoenakoa