Arrakasta lortu duen taldea
Gaur egungo euskal musikaren esparruan arrakasta handia lortu duen taldea da Zea Mays. Hain zuzen ere, Aiora Renteria buru duen talde bilbotarrak hainbat arrakasta lortu ditu azkenaldian. Negua joan da ta abestia izan da aurtengo arrakastetako bat, baina ez bakarra; izan ere, dagoeneko ereserki bihurtu den Kukutza III abestiarekin ere arrakasta lortu dute bilbotarrek.
Iñaki Imaz Pitti gitarra jotzailea, Ruben Gonzalez baxu jotzailea eta Asier Basabe bateria jotzailea dira gainerako taldekideak.
Makala doan izango da
Kooltur Ekintza taldearen ekimenak indarra hartuko du abenduaren 22ko gauean. Santamas eguna dela aprobetxatuta, doan izango da kontzertua: Makalak jarriko du musika gaztetxean.
Makala DJa Europan zehar dabil lan berria aurkezten. Hainbat jaialditan arrakasta lortu du eta nazioarte mailako DJen onespena ere jaso du. Swinging the Afro Mambo EPa aurkezten ibili da udatik gaur arte.
Hainbat estilo nahasten ditu emanaldietan, eta, azkenaldian, beats elektronikoz lagundutako latin, boogaloo, cumbia, rumba, soul, funk eta swing-and-jazz-and-ska doinuak proposatzen dihardu. Makalaren saioetan ez da dantza egiteko eta ondo pasatzeko aukerarik falta izaten.
Azken emanaldia: Ihesbide
Abenduaren 29an Ihesbide taldeak eskainiko du kontzertua. 2004an Elorrion sortutako taldeak punk-rock musika egiten du.
Hurrengo emanaldiei begira, Kooltur Ekintza taldeak aurreratu du Gramones! taldeak joko duela gaztetxean.