La Jugueteria erotic toys dendako Manex Rekartek bideratuko ditu hitzaldia eta tailerra, eta jostailu erotikoen jatorri, ezaugarri eta erabilerak erakutsiko ditu. Sexualitatearen alderdi onuragarrienak izango dira hizpide, eta umorea nagusi izango da tailer honetan.
Sexualitatearekin eta erotismoarekin loturiko hainbat gai landuko ditu Rekartek: masturbazioa, jostailu erotikoen jatorria, ezaugarri eta erabilerak, sexu anala, masaje erotikoa, fantasiaren jokoak, etab. Amaieran, galderentzako tarte luze bat egongo da dudak argitzeko.
"Ekin Emakumeak elkartean erotismoa normaltasunaren biderantz eraman nahi dugu" diote antolatzaileek. Elkartearen osasun arloaren barruan antolatu dute ikastaroa eta tailerra.