Korrikan presoen argazkiak erakusteagatik Auzitegi Nazionalera deklaratzera doan lankideari elkartasuna erakutsi dio Txatxilipurdik

Txatxilipurdik prentsa oharra atera du lankideari babesa emateko. Hona argitaratu duten oharra: "Entzutegi Nazionalak Txatxilipurdiko lankide dugun Inaxio deklaratzera deitu du azaroaren 30erako [bihar], Korrikan euskal presoen argazkiak erakutsi izana leporatu ostean. Txatxilipurdiko langileok elkartasuna adierazten dugu Inaxiorekiko eta baita beste bost debagoiendarrekiko ere, bai Madrilera jaitsi behar izanagatik deklaratzera bai horrelako prozesu judizial batek dakartzan kalteengatik. Adierazi nahi dugu elkartasuna ez dela delitua".