Aste bukaeran, 'gaztetxokeroek' euren moda propioa sortzea posible dela frogatuko dute Arrasateko gaztegunean. Asteburu osoan zehar arropak eta osagaiak sortzeko tailerrak antolatu dituzte, txapak egiteko makinak izango dituzte bertan neurri ezberdinetako txapa pertsonalizatuak sortzeko eta Nere Uribeetxeberriak alanbrearekin eraztunak egiten ikasteko tailerra emango du domekan. Zapatuan, berriz, Ane Garaik kamisetak kustomizatzen erakutsiko die tailerrean parte hartu nahu duten 12 eta 17 urte arteko gaztetxoei; horiendako gonbidapena luzatu du Txatxilipurdik.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.