Split 77 taldearen doinu elektronikoak gaur Gaztetxean

Split 77 Bilbotik dator eta hastapenetatik 80ko hamarkadako post-punk eta elektronikaren aldeko apustua egin dute. Bere musikan oso presente daude The Cure, Joy Division, Bowie eta beste asko. Iluntasuna, energia, jarrera, gitarrak, teklatua... daude bere baitan. 2002an Antenna-rekin debutatu zuten, 2004an Mentura kaleratu zuten eta gerora sei urteko isilunea egin zuten. 2010ean, baina, bueltan etorri ziren Split 77 izeneko diskoarekin. Nabariak dira taldearen bi alderdiak: bat, elektronikoagoa, hipnotikoagoa eta dantzagarriagoa; eta beste bat, zakarragoa, rockeroagoa eta intentsuagoa. Gainera, ikusten da galdutako denbora berreskuratzera datozela kontzertuetan guztia ematen dutelako.