Atontzearen garrantzia
Okasio ezberdinetan jantzi berak erabiltzea ez zela egokia ikusita hasi ziren gaiaren inguruan ikertzen. Hala, hainbat lan egin ondoren Atondu, XXI. Menderako proposamena liburua argitaratu zuen 2006an. Liburuaren lehenengo helburua jantzi eta janzkera tradizionalaren jatorria zein den ikustea da: "Aztertu behar dugu zer dagoen eta zergatik", azaldu zuen.
Jantziak berba egiten hasi ziren
Gaiak dioen bezala emakumearen jantzi eta janzkera tradizionalak azken 100 urteetan azaldu zituen Albisuk hitzaldian. Orain dela 100 urte lanbidearekin zerikusia zuten arropak janzten zutela azaldu zuen. Denborarekin, baina hori aldatuz joan da. Gerora, batez ere Frankoren garaian, jantziak berba egiten hasi zirela azaldu zuen: "Horregatik eramaten dugu barruko gonan kolore gorri, berde eta zuria; edo, horregatik dituzte kaikuek hainbat ikur aurrealdean".
Arrasatearren pasarteak
Zapia nola ipintzen den azaldu zuen, eta horretarako Bixente Pagoaga Aranguren baserrikoaren bideo bat ipini zuen. Bixentek azaldu zuen haren amandreak zapia nola jartzen zuen eta mototsa nola egiten zuen; eta, baita abarkak nola jantzi behar diren ere.
Kulturateko aretoan 30 bat lagun elkartu ziren, denak emakumezkoak.