Urtero moduan, Arrasateko espetxeratuekiko pastorala materiala batzen dabil Gabonetan Martuteneko presoei opariak egiteko. Bilketa azaroaren 28, 29, 30 eta abenduraren 1 eta 2an egingo dute, Caritas erakundearen bulegoan (Iturriotz, 43). Ordutegia da 17:00etatik 19:00etara. Antolatzaileek diotenez, "bereziak" diren Eguberri jaietan "gure gertutasuna erakutsi eta laguntza emateko modu eder bat" da opariok bidaltzea.
Honako materiala jasoko dute: barruko arropa berria, tabako gorria eta metxeroak, turroi biguna, hortzetako pasta eta eskuilak –zepiloak–, gutun-azalak eta zigiluak, Telefonicaren pin-ik gabeko txartelak, galtzerdiak, desodoranteak, pilak, azkazalak mozteko tresnak...
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.