Mondrako hamaikakoan jokalari gazteak ipini zituzten Jon Zuloagak eta Andoni Ezkurrak. Euskal Selekzioko jokalariak gazte mailakoak ziren. Dena den, azkar jokatu zuten bi taldeek. Biek ala biek izan zituzten golak egiteko aukerak, baina bi atezainek geldiketa onak egin zituten; batez ere, Mondrako atezain Oihanak.
Golak bigarrenean
Bigarren zatian hainbat aldaketa egin zituzten arrasatearrek, eta jokalari beteranoak ipini zituzten jokoan. Segidan hartu zuten etxekoek partiduaren kontrola eta minutu askotan jaun eta jabe izan ziren. Bi goleko errenta hartu zuten, eta lehia erabakita zegoela zirudienean, Euskal Selekzioak gola egin, eta berdinketa lortzeko estutu egin zuen. Bukaeran, baina, Mondrak irabazi zuen.
Domekan, liga
Atzoko lagunartekoa irabazita, indar guztiak ipiniko dituzte Mondrako neskek ligako hurrengo jardunaldian. Domekan jokatuko dute Mojategin Gasteizko Aurrera taldearen kontra, 12:00etan.