Itxaropentsu ageri da PSOE; alderdikideek diote lortu dutela euren mezua herritarrei helaraztea eta hori garrantzitsua dela, PP eta PSOE ez direlako gauza bera, euren esanetan: “Popularren programa ezkutuan egon da orain arte, baina hasi da azaltzen, eta hor ikusten da murrizketa asko egin asmo dituztela, ongizatean, batez ere. PPrekin Irakeko gerra edota txapapotea datozkigu burura; aldiz, Rubalcabak askatasuna ekarri du”, azaldu du Aritz Arrietak.
Gaur, egubakoitza, hauteskunde egunaren bezperetan, egunkariek Espainia erreskate zonan sartu dela argitaratu izanak ez ditu bereziki kezkatzen: “Albiste hori hor egon da beti bueltaka, baina Espainia ez dago Italia, Grezia edo Portugalen mailan. Ez dut uste gure egoera hain txarra denik”.
Hauteskunde kanpainaren azken txanpan, 15 egunok emandakoaren gaineko balorazio positiboa egin du alderdi sozialistak. “Uste dugu kanpainan egindako lanarekin, inkestak gainditzea lortuko dugula” adierazi du Aritz Arrietak. Arrasateko zinegotzi sozialista Laubide plazan izan da goizean, Paco Garcia, Blanca Roncal eta beste alderdikide batzuekin batera, arrosak banatzen. Gauean, Gasteizko Lakuako hotelean egingo dute kanpaina amaierako ekitaldia.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak