Atzo, domeka, ospatu zen Zumarragan buzkantza lehiaketa. Arrasaten harategia duen Jose Ramon Otamendi harakin ordiziarrak irabazi zuen lehen saria: garaikurra, diploma eta 300 euro. Benetako saria, baina, ohorea izan zela dio: "Benetako saria izan da epaimahaikideendako buzkantzarik gustukoena nirea izatea, ohore hori". Otamendik dakiela, buzkantza lehiaketa bakarra da Zumarragakoa eta "oso pozik eta gustura" dago lehen saria eman diotelako. Harakin ordiziarraren seigarren aldia zen atzokoa Zumarragako lehiaketan, eta lehen aldiz irabazi du.
Azken orduan eman zuen izena eta ez zuen denbora larregi egin Zumarragan: "Goizean utzi nituen buzkantzak eta eguerdian justu-justu heldu nintzen sari banaketara". Heldu eta irabazi, beraz.
Jose Ramon Otamendik ondo baino hobeto ezagutzen du buzkantzen mundua. Iker Agirreurreta harakinarekin batera, urtero 250 bat kilo –eta urte batzuetan gehiago– buzkantza prestatzen dituzte Garagartzako San Migel jaietarako.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.