Gaztegunea bizi-bizi lehen hilean, eta horrela jarraitzeko gertu

Jokin Bereziartua Lizarazu 2011ko aza. 3a, 17:31

Urriaren 14an ireki zenetik, Txatxilipurdiko arduradunen arabera, bizitasunez eta hamaika lanez jositako hiru aste bukaera bizi izan dituzte gaztegunean: lokala txukuntzen ibili dira, hormak margotzen, karaokea probatu dute, laburmetraiak egin dituzte –baita beste batzuk ikusi ere–, gau beltza ospatu dute eta hankapaloek ere protagonismo berezia izan dute. Asteburuan, egunero 40 eta 90 gaztetxo artean egon dira. Azarora begira, gainera, egitarau berezia antolatu dute: irratia martxan jarriko dute eta mural erraldoi bat margotuko dute, besteak beste.

Egunero 40 eta 90 gaztetxo artean, beraz. Eta horrek esan gura du, Txatxilipurdiko arduradunak berretsi dutenez, nahikoa lan izan dutela gaztetxo guztiak ezagutu eta gazteguneko arauak azaltzen.

Azaroan ere, aspertzeko astirik ez

Azarorako egitarau berezia antolatu dute: irratia jarriko dute martxan, mural erraldoia egiten saiatuko dira, artisau aste bukaera izango dute: narrua, fimo eta alambrea lantzen ere ikasiko dute 

Eta noski, hori guztia gazteguneak eskaintzen dizkien baliabide guztiekin: mahai jolasak, ping pong mahaia, futbolina, ordenagailuak...

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak