Geroz eta bizitza bakartiagoa egiten dugun gizarte honetan, teknologia berriek lagundu, erraztu egiten dute harramenak sortzerako orduan. Hain zuzen ere, antzezlanak, 21. mendeko amodioa islatzen du. Agian, askok biziko dutena egungo gizartean taularatu dute aktoreek Amaia antzokian.
Zalantza gabe, ikusleren bat identifikatuta sentituko zen, eta pasarte ezberdinek barre algarak eragin zituzten bertaratutakoen artean. Esaterako, zibernautek elkar ezagutzeko darabiltzaten estrategia eta amarru xelebreek: pertsonaiek, ezagutu gabe itsu-itsuan egindako hitzordua, esaterako.
Bi aktoreak entzumenaren bidez gidatzen dira; bukaera arte ez dago kontaktu bisualik bien artean, baina, ederki transmititzen dute e-mail eta sentsazio trukaketak dakarren ezinegon hori.
Estreinaldia Arrasaten
Ipar haizearen kontra antzezlana urriaren 20an Bilboko Arriagan estreinatu zuten arrakastaz. Lehen geldialdia ordea, Arrasaten, Amaian egin dute. Apaolazak "sentsazio onarekin" hasi dutela bira azaldu zion GOIENARI. Publikoak ere harrera beroaz eta sentsazio onarekin hartu zituen Arrasaten.