Alberto Balzategi: "Orain 31 urte Udalaitzen jarri genuen ur depositoak mantenu-konponketak behar dituen arren erabilgarri dago oraindik"

Eguraldi ona egiten duen egun guztietan du ohitura, Alberto Balzategik, Erregetxok, Udalaiz tontorrera igotzeko; gaur, urriak 26, haizeak gogoz eta gogor jotzen zuen arren, goizeko 9.30etarako Udalaitz kobazuloko iturrian zegoen. Mendira goizean goiz joan behar dela dio-eta. 31 urte bete ditu, hain justu Balzategik ondoan zuen iturriak eta handik erantzun du Arrasate Irratiko Igo Autobusera saioan egin dioten elkarrizketako galderei. Udalaitzeko garai bateko kontu zahar eta bizipen bitxiak kontatu ditu 107.7an, eta baita mendizaletasunak izan dituen aldaketen gainean ere.