Udalak zozketa ahalik eta lasterren egin gura izan du eta zapatua pleno bat deitzeko egun egokia ez zela iritzita, astelehenean, gaur, deitu dute ezohiko plenoa. Zozketako emaitzak behin jasota ahalik eta lasterren jakinarazi behar zaio albistea dagokion herritarrari. Izan ere, bizilagunek alegazioak jarri ahal izateko zazpi egon izango dute, jakinarazpena jasotzen duten egunetik hasita.
288 jakinarazpen
288 jakinarazpen egin behar dira, etxez etxe: 32 hauteskunde mahai egongo dira eta mahai bakoitzean hiru titular –burua eta bi bokal– eta sei ordezko egon behar dira –titular bakoitzeko bi ordezko–. Hauteskunde legeak dio urriaren 22tik 26ra –biak barne– egin behar zela zozketa, eta zozketaren emaitzak pleno bidez egin behar direla publiko. Zozketa programa informatiko baten bidez egin da, minutu gutxitan.