Ogia egiteko ikastaroa, Bedoña Baturen eskutik

Bedoña Batu elkarteak ogia egiten ikasteko aukera eskainiko du urriaren 29an. Teba Gonzalez eta Juantxo Aranbururen laguntzaz ogia egiten ikasiko dute: antzina baserrietan erabiltzen zen ama-orea ezagutuko dute bertaratzen diren: ogia nola kontserbatu ikasiko dute, besteak beste. Ogia labean egiten den bitartean, errezetak, irin eta ogi mota desberdinak aztertuko dituzte. Hamaiketakoa ere egingo dute, eta bi adituekin solasaldia egiteko aukera paregabea izango da. Urriaren 22a, zapatua, da izena emateko azken eguna; 688 88 79 02 telefonora deitu behar da. Izenematean auzotarrek izango dute lehentasuna.