Mariasun Pagoaga arrasatearrak aktore onenaren saria irabazi du Toulouse-eko Espainiar Zinema jaialdian, 80 egunean filmean egindako lanarengatik. Itziar Aizpuru beste protagonistarekin batera eman diote sari hori.
Horrez gain, 80 egunean filmak beste bi sari irabazi ditu jaialdi horretan: gidoi onenarena eta ikusleek emandako saria.
Egileek filmaren Facebook profilean jakinarazi dute, eta hauxe esan dute: "Jaialdiari eskerrak emateaz gain, hauxe esan gura dugu: azkenean, azkenean, azkenean bai!, gure bi artistek ex-aequo ondo merezitako sari bat irabazi dute. Zorionak!"
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.