Azken 'Txatxipoteoa' bihar, ludoteketen jolaserako grina kaleratu nahian

Bihar, eguena, ludoteketako zabalkundea egin nahian, azken 'Txatxipoteoa' egingo dute Txatxilipurdiko ludotekariek Musakola auzoan. Erdigunean eta San Andresen egin ondoren, Musakolakoak ere arrakasta izango duelakoan, bertara gonbidatu nahiko dituzte haur, nerabe heldu eta nagusienak ere. Jakinarazi dutenez, ludotekak itxita egongo dira, baina ludotekako giroa kalera aterako ei dute hezitzaileek: abestu, dantzatu, barre egin, jolastu… "Ondo pasatzeko osagai guztiak jarriko ditugu", adierazi dute. Jatekorik eta edatekorik, noski, ez da faltako.