Hainbat txosna jarri beharrean karpa erraldoi bat jartzea erabaki zuen txosna batzordeak duela hiru edo lau urte; euriari aurre egiteko, besteak beste. Hala ere, urterokoa den euriaren aurka –aurtengo iragarpenak ere ez dira batere onak– ezer gutxi egin daiteke horrenbeste jenderekin. Euriak euri, jaia bermatuta dago.
Bi egun eskas falta dira arrasatearren ama birjinik kuttunenak, Maritxu Kajoik, Arrasate festarako gosez datorren jende uholde dotore batekin busti dezan. Joan den egubakoitzeko Nobenaixuak gogoratu zuen egun handia badatorrela eta prestatze-lanak hasiak dira dagoeneko. Izan ere, txosnagunerako karpa erraldoia muntatzen hasi dira gaur goizetik.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak