Ibai-Arte merkataritza elkarteak hilero kanpaina berria estreinatzen du. Bada, udazkenaren etorrerarekin deskontu bereziekin datoz: urrian eta azaroan zehar Ibai-Arte txartela erabiliz "ustekabeko" deskontuen zozketan parte hartzeko aukera izango dute bezeroek. Astean modu aleatorioan aukeratutako egun batea eta programaturiko ordutegian burutzen diren erosketa guztietan deskontuak izango dira. Ibai-Arten gero eta gehiago erosi orduan eta aukera gehiago deskontuez gozatzeko, beraz.
4. 000 euro banatuko dira deskontutan erosketak Ibai-Arte txartelarekin ordaintzen dituztenen artean. Unean bertan jakingo du bezeroak zortekoa izan den edo ez, izan ere, datafonotik ateratzen den papertxoan agertuko da deskontua erantsita. Ekimen honen bitartez Ibai-Artekoek euren bezeroak saritu nahi dituzte, "urte osoan zehar gure bezeroek herriko merkataritzarekiko agertzen duten fideltasunagatik".
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.