Pozik da Ford Mugarri Arrasateko entrenatzaile Ane Herrero. Lehenengo zatian bigarrenean baino hobeto aritu ginen, baina partidu txukuna egin genuen", adierazi du. "Ondo aritu ginen bai defentsan bai erasoan, eta atean ere lan ona egin genuen". Hasieratik jarri ziren aurretik Arrasatekoak eta atsedenaldian markagailua 18-10ekoa zen.
Amaiera zailagoa
Hondarribiarrek talde gaztea ekarri zuten eta gutxi etorri ziren, baina partidua salbatzen saiatu ziren. Bigarren zatian txartel gorria ikusi zuten Arrasatekoek eta kanporatzeak ere egon ziren. "Intentsitatean jaitsi egin ginen eta nahiko gol argiak kale egiten hasi ginen", adierazten du Herrerok. Aurretik ateratako errenta ondo etorri zitzaien.