Udako atsedenaldiaren ostean, abian da ostera ere Gipuzkoako Bertsolari Txapelketa, Gpuntua lemapean. Bihar, zapatua, Eibarren izango den final-zortzirenean Jokin Labayen arrasatearrak parte hartuko du. Kepa Isasi gai-emailea ondoan dutela, Iñaki Gurrutxaga, Agin Rezoka, Nerea Elustondo, Felix Zubia eta Iker Osa bertsolariekin batera arituko da. Bertso-saioa 17:30ean hasiko da Coliseo antzokian.
Animotsu topatu dugu Labayen: "azken astea ez da samurra izaten ari, buruari bueltan ematen dizkiozulako. Baina, bertsotan gustura nabil, txukun gabiltzala iruditzen zait, eta biharko saiora begira, animotsu nago. Tokia, gainera, ona da". Lehiakideen inguruan, arrasatearrak aipatu du "kanturako" oso bertsolari onak direla. Horren harira, honakoa esan du: "Elkarrekin lan egiteko onak dira".
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.