Ecija Espainiarako dena, Arrasate ei da Gipuzkoarako. Arrasate, Gipuzkoako zartagina. Lerro buru horrekin argitaratu du albistea gaur Noticias de Gipuzkoa egunkariak, Espainiako Metereologia Agentziak igorritako datuak oinarri hartuta. Izan ere, albisteak dioenez, Arrasate da Gipuzkoako herririk beroena, edo aurten tenperatura altuenak izan dituena, behinik behin. Uztail, abuztu eta iraileko egunak kontuan izanda, 26,1 graduko batez bestekoa izan du Arrasatek. Ondoren dator Bergara, batez beste 25,9 gradurekin. Gero, Eibar…
Egunkari horrek, bestalde, udazkenerako iragarpena egiteko ausardia izan du. Margarita Martin Igeldoko estazioko arduradunaren eta Edorta Roman eguraldi gizon ezagunaren iritziak eta datuak hartu ditu aintzat albistea egiteko. Eta dio, udazken fresko eta busti samarra izango dugula Euskal Herrian.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.