Musika kutxa beste behin ireki bai, baina alditxo baterako ere itxi zuten barikuan. Bide zuzen, ohikorik sekula ez dute hartu Ain_1ekoek; ipar konkreturik barik, bulkadarekin bat aurrera eginez, baina azkenean makinatxo bat kontzertu, bi disko eta errekonozimendu apal zein beroa lortu du boskoteak. Bada, disko berria aurkeztu zuten Arrotza plazan atzo iluntzean eta amaitu bezain lasten, kaxa itxi, trastoak jaso eta irribarre zabal batekin gero arte esan zuten, kideetako bat kanpora joatekoa da-eta.
Ain_1ekoek lehen egunetik izan duten askatasunaren erakusle da planteamendu bihurri hori eta askatasun berberarekin hasieran gitarra soilezko kantu xumeak zirenak, bossa, latin edota flamenco haizea duten pieza sentiberatan bihurtu dituzte. Eta poesia; Ain_bat, kolore beltz-gorriak eta olerkiak banatuezinak baitira.
Diskoa dagoeneko kalean daukate, 8 euroan.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.