Egoitza berriak zazpi ikasgela, informatika gela bat, liburutegia, zuzendaritza gela bat, irakasle gela bat eta itxaron-gela bat izango ditu. Oraindik ez dute ekipamendu guztia jaso; oraingoz, esaterako, ez dute irakasle gelako mahairik eta interneterako sarbiderik. Miren Bengoa zuzendariak dioenez, datozen egunotan jasoko dute, eta hilaren 15erako, ikasturtea hasiko den egunerako, dena gertu izatea espero dute.
Bestalde, hilaren 16tik 22ra luzatuko da hizkuntza atzerritarretan ikasteko izenematea.
Egoitza berriarekin, "oso pozik"
"Orain eskola bat garela dirudi. Lehen sartu ezinik ibiltzen ginen eta orain, berriz, oso egoitza kuriosoa daukagu. Oso pozik gaude", dio Bengoak. Gainera, Udaleko langileei eskertu gura die uztailean jaotako laguntza, lekualdatzearekin buru-belarri zeudenean, hain zuzen.
Arrasate Irratian egindako elkarrizketa entzungai
Lurdes Jauregialtzo, EPAko lan-taldeko kidea astean Arrasate irratian izan da hastear den ikasturterako dituzten helburu eta erronken gainean berbetan. Jarraian duzue elkarrizketa osoa entzungai.