Udako oporraldiaren ostean, Udalak eman dio hasiera ikasturte politiko berriari. Hala, ohiko lehen osoko bilkura datorren hilaren 13an izango da, 18:00etatik aurrera. Iraila salbuespena izango da abuztuan jarduera erabat eten delako. Izan ere, urritik aurrera, hileko lehen martitzenetan egingo dira plenoak. Gainera, Tokiko Gobernu batzarrak astelehenero egingo dira, 18:00etan. Lehena, hilaren 12an egingo da.
Esandako moduan, iraila hilabete berezia izaten da Udalaren funtzionamendurako, abuztuan jarduera eten egiten delako. Beraz, urritik aurrera hasiko da udal funtzionamendurako plenoan zehaztu zen moduan jarduten.
Hirigintza eta Obren batzordeak, astero
Hirigintza eta Obren batzorde informatzaileak astero batuko dira: Hirigintzakoa eguaztenero batuko da, 17:30etik aurrera, eta Obretakoa, berriz, astelehenero 16:30etik aurrera. Gainerako batzordeak hamabost egunean behin batuko dira.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.