Irailaren 19an martxan jarriko diren lehorreko ekintzen eskaintza zabala izango da oso. Nagusiendako gimnasia berezietatik hasi eta spinning edo body pump moduko intentsitate altuko ekintzetaraino. Gainera, kirola eta erlaxazioa uztartzen dituzten ekintzak ez dira faltako, hala nola, pilates, Tai Chi eta Yoga.
Urriaren 3an abiatuko diren ur eremuko ekintzei dagokienez, bestalde, honako jarduerak eskainiko ditu AUKEAk igerilekuan: helduendako hastapen, hobekuntza eta estilo ezberdinetan oinarritutako igeriketa ikastaroak, haurrendako ikastaroak eta igeriketa egokitua. Haurdun daudenendako ikastaro bereziak ere antolatu dira. Azkenik, Aquagym-ak, hots, uretan egiten den gimnasiak, ez du hutsik egingo aurten ere.
Beheko taulan dituzue ikastaroen gaineko xehetasun guztiak: