Istripua izan dute bi autok Arrasateko sarreran, Epeleko biribiletik gertu, Arrasterako noranzkoan, GI 627 errepidean, 8:30ak inguruan. Ez da larria izan, baina, ondorioz, ilarak sortu dira. Ertzaintza ari da ikertzen arrazoia eta trafikoa bideratzen.
Trafikotik aditzera eman dute arretaz gidatzeko inguru horretan, hain justu ere, Epeleko eta Eroskiko biribilen artean, Pesako autobusak atseden hartzen duten tokiaren parean. Izan ere, antza, galtzadan gasolioa baitago eta irristakor eta arriskutsu dago. Lekuko batek esan digunez, autobus batek isuri du olioa errepidera eta auto gidari batek baino gehiagok arazoak izan ditu errepidean, gurpilek irrist egin eta autoari eusteko.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.