Uztailean izan zen Goiena Arrasateko saskibaloi jokalariarekin, eta orduan adierazi zuen azken denboraldian aurrerapauso handia egin zuela. Besteak beste, denboraldian egindako lan onari esker Pablo Lasoren deia jaso zuen, Euskal Selekzioarekin Argentinara joateko, hainbat lagunarteko jokatzera. Esperientzia ederra izan da, Arrasateko Ointxe! klubeko webgunean kontatzen duen moduan, eta Argentinatik eman zuen berria, Azpeitian jokatuko duela, alegia.
Arrasateko saskibaloi jokalariak zilarrezko LEB mailan jokatuko du aurtengo denboraldian, Iraurgi taldeak fitxatu du-eta. Hala, Valentzian egindako egonaldia amaituta –Power Electronics taldean–, Barberenak uztailean adierazi zion Goienari oraindik argitzeke zuela etorkizuna. Bada, azken urteak kanpoan egin eta gero, etxe ondoan jokatuko du, Azpeitian.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak