Eusko Jaurlaritzak maiatzean eman zien aukera babes ofizialeko etxebizitzen titularrei bizi ziren etxebizitzaren lurra erosteko. Arrasaten, horren gaineko informazioa emateko arduraduna Jesus Markaide agentea izan da, eta berak jakinarazi du kanpainaren emaitza.
Esandako datua uztailaren 27koa da, eta eskaerak aurkezteko epea uztailaren 30ean bukatu zen. Kasu guztietan, jabeek Azalera Eskubidea delako erregimenean zuten jabetza.
Datu hori Deba Garaia etxe-agentzian egokitutako bulegokoa da. Hori zen aukera bat; zuzenean egiteko aukera ere bazegoen, izan ere, ekainean horretarako inprimakiak jaso zituzten etxe-jabeek, Markaiderekin izandako batzar informatiboan.
Lurzorua erosteko eskubidea bakarrik lur-azalerari dagokio, eta Babes Ofizialeko kalifikazioa ez da aldatzen.
Jabeen %40 edo %50ek, Gipuzkoan
Markaideren esanetan, Gipuzkoako higiezinen agenteen ustea da afektatuen %40 eta %50 inguruk eskatu dutela jabe oso bihurtzea, eta jabe gehienek 12.000 eta 18.000 euro artean inbertituko dute. Datu horiek ez daude Etxebizitza Sailak konfirmatuta.
