"Gizarteak berriz ere eman dio bizkarra heriotz zigorra ezarria zeukan emakume bati", dio Tratu Txarren Aurkako Plataformak, Deisy Mendozaren hilketa salatuz

Arrasateko Emakumeen Kontrako Indarkeriaren aurkako plataformak ere bat egin du atzo Bilbon tratu txarrengatik salatuta zeukan senar ohiak hildako Deisy Mendozaren kasuaren salaketekin. Hedabideetara bidalitako ohar baten diote "hiltzaileak bere hitza bete" eta "hurruntze agindua ezarrita ere" hil egin zuela emakumea. "Berriz ere guztiak huts egin" duela diote, "babes neurriek, protokoloek, zenbait auzokoren interesik eza eta indiferentziak eta gizartearen sentsibilitate eta konpromiso faltak". Hori guztia salatu eta hilketa kondenatzen dute plataformatik, nabarmenduz gizarteak "berriz ere eman diola bizkarra heriotz zigorra ezarria zekan emakume bati".