Arabako Foru Aldundiak eta LKSk zehaztutako lan epeak betetzen ari dira. Pabiloiaren handitze lanetan Lagunketa, Zikotz eta Giroa enpresek osatutako behin behineko enpresak ere hartzen du parte. Karamelua izenez ezagutzen den zati nagusiak borobil itxura dauka eta 126 metroko diametroa. Lehengo kupula zaharra oraingo kokapenera eraman zuen garabi berak jaso du pieza berria. Buesa Arenako teilatu berriak egitura espaziala eta 2,5 metroko lodiera dauka; 5.090 m2ko eremua hartzen du eta 116 metroko luzera. 22 m baino gehiago igo dute eta harekin batera igo dituzte teilatuko uhalak, pasabideak eta instalakuntzak, gerora begira horiek ezartzeko lanak altuera horretan egin behar ez izateko.
12 isuriko estalkia da eta kanpora %3ko aldapa dauka. Egitura 95 eta 115 metroko diametroek zehazten duten koroaren 12 dorrek eusten dute. Diametrorik handiena 130 metrokoa da eta eremu osoa 11.647 m2. Egitura osoaren pisua 337 tonakoa da.