Ukondoan lesionatu zen Aitor Fernandez, Espainiako selekzioarekin entrenatzen ari zela eta etxera etorri behar izan du. txapelketako lehenbiziko partiduan, Costa Ricaren aurka, titularra izan zen atezain arrasatearra. Espainiak 4-1 irabazi zion Costa Ricari Manizalesen jokatutako partiduan. Ondoren, Ekuador eta Australiaren aurka jokatu du Espainiak lehenbiziko fasean. Ekuadorri 2-0 eta Australiari 5-1 irabazi zion Julen Lopetegiren taldeak. C multzoko liderra izan da Espainia lehenbiziko fasean. Aitor Fernandezen lesioa dela eta, Espainiak ezin izan du arrasatearra ordezkatu lesioa behin txapelketa hasi eta gero izan zelako. Beraz, Alex eta Fernando Pacheco atezainekin egin beharko dio aurre bigarren faseari Espainiak. Hego Korearen aurka jokatuko du Espainiak final zortzirenetan, abuztuaren 10ean.
Aitor Fernandez arrasatearrak Kolonbian jokatzen ari den 20 urtetik beherakoen Munduko Futbol Txapelketa utzi behar izan du. Athleticeko ateizana entrenamendu batean lesionatu zen aurreko astean eta etxean da dagoeneko. Julen Lopetegi Espainiako hautatzaileek hitz onak besterik ez du izan arrasatearrarendako. Txapelketan aurrera eginez gero, Fernandezen ekarpena gogoan izango dutela aurreratu du Lopetegik.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak