Juan Carlos Davila Monte tabernako arduraduna pozik zegoen aurten porrak izan duen arrakasta ikusita. Hala ere, tristura puntu bat bazuen sari potoloena ez zelako "hemen geratu".
Errekorra hautsi dute beste behin ere
Marka guztiak hautsiz 1.120 lagunek eman dute izena aurtengo porran.
Sari nagusiek Laudio aldera alde egin dute. Lehenengo saria, bigarrena, hirugarrena eta seigarrena pertsona berak irabazi ditu. Atzo, irabazlea ez zen sari ekitaldian egon Kuban zegoelako ezkontzen. Haren lagunak egon ziren Monte tabernan.
Irabazleak:
- 1. Melsis V 13.428 euro
- 2. Baosson Hagen 8.392,5 euro
- 3. Pinotxo V 4.196,25 euro
- 4. Perro Patxon 839,25 euro
- 5. Julen y Ali 839,25 euro
- 6. Boasson Hagen II. 839,25 euro
- 7. Hatz 839,25 euro
- 8. Galtzagorri 839,25 euro
- 9. Ylenia 839,25 euro
- 10. Erla 839,25 euro
Iban Velasco Euskaltel Euskadiko txirrindularia eta Markel Irizar Team Radioshack taldeko txirrindulariak sari banaketa ekitaldian izan ziren.
Espainiako Vueltako porra
Hasiera batean zalantzan egon bazen ere, Espainiako Vueltako porra azkenean egingo dute Monten. Abuztuaren 20an hasiko da Vuelta eta porra abuztuaren 21ean egin ahal izango da, orain arteko sistema jarraituz.
Datorren urtean aldaketak
Datorren urteari begira, Davilak aurreratu du aldaketak egingo dituztela porran izena emateko moduan. Izan ere, internet bidez egiteko aukera dago orain, baina horrek arazo asko sortzen ditu jendeak "edozein modutan" egiten dituelako izenemateak.