Jon Ander Juldain, Iturbideko gerentearen esanetan, gustura dira egoitzan egindako berrikuntzekin eta egoitzak hartu duen itxura berriarekin. Aldaketa nagusia, beheko solairuan izan da, hau da, lehenago Abaroa zegoen tokian, orain: harrera, bulegoak, ilepaindegiaa, egongela eta oraindik guztiz bukatu gabe dagoen gimnasioa kokatu dituzte. Horrez gainera, bi gela berri ere egin dituzte; orain, bada, 104 egoiliarrentzako lekua dago Iturbiden.
Aipatutako berrikuntza nagusiez gainera, iturgin lanak eta larrialdietako eskailera edo irteera egiteko ere aprobetxatu dute. Egoitzaren barrukaldea atondu edo txukundu ere egin dutela gaineratu du Juldainek: dute; hala nola, hormak margotu eta guneen kokakera adierazten duten kartel edo seinaleak ere jarri dituzte.
Obrak 2008ko urrian hasi zituzten, beraz, 2 urte eta erdian trabak izan badira ere; orain, erabiltzaileak, egoiliarrak zein senitatekoak, langileak eta baita udal ordezkariak ere gustura dira Iturbideren aurpegi berriarekin. Etapa berria, bada, ofizialki egunean hasiko da, udal ordezkari berriek parte hartuko duten inaugurazio ekitaldiarekin.
Obrak bost bat hilabete inguru amaitu ziren arren, azkeneko bi urte eta erdian Iturbiden egindako obren inaugurazioa egin dute gaur, 18:00etan. Besteak beste, egoiliarrak, senitartekoak eta udal ordezkariak egon dira bertan. Berrikuntza nagusiak beheko solairuan egin dituzte eta lehen ez zeuden gela berriak egin dituzte.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak