Aurreko azoketan bezala, edozein postutan egindako erosketa bakoitzarekin bezeroei pintxoak dastatzeko txartelak banatuko zaizkie eta baita baserriko produktu sorta baten zozketan parte hartzeko txartelak ere. Gainera, sukalderako egurreko tresnak salgai izango dituen postua ere egongo da.
Kontsumorako beste era bat
Marga Garmendia Udaleko Enplegu eta Garapen Ekonomiko zerbitzuko teknikariak adierazi duenez, azoka "apurka-apurka" dabil errotzen bezeroen artean.
Hala, bezeroei baserriko produktuak kontsumitzeak dakartzan ondorioak gogorarazi ditu Garmendiak: "Kontsumo jasangarriago baten partaide bilakatzen gara, kalitate goreneko produktuak kontsumituz, denboraldikoak eta freskoak". Honakoa ere gaineratu du: "Ekoizlea eta kontsumitzailearen arteko zuzeneko salmenta gauzatzen da, prezioak garestitzen dituzten bitartekariak saihestuz".