Eguerdian, pozik zeuden antolatzaileak Kontsumo Jasangarriaren I. Azokak izandako harrerarekin. Askotariko 20 postu jarri zituzten han, hala nola, energia berriztagarrien enpresak, baserritar eta ekoizleak, eta artisauak. Horretaz gainera, bigarren eskuko objektuen saltzaileak, taberna ekologikoa eta enkante solidarioa ere bazeuden. Azken horretan, besteak beste, Peio Zabalak utzita, Jose Agustin Mendizabal fraideak asmatutako etxe barruko haize orratza enkatean hartzeko aukera zegoen. Azaroan jakinaraziko dira irabazleak.
Rakel Perez de Arenaza arrasatearraren tomate ekologikoen kiloa 3 eurotan erosteko edo Eva Argiñanok sinatutako sukaldeko txanoa lortzeko enkante solidarioan parte hartzeko aukera izan zuten zapatuan Arrasateko Biteri plazan jarritako EkoBira azokara joan zirenek.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak