Kukai dantza taldeak 'Karrikan' dantza ikuskizuna ekarri zuen atzo Arrasatera. Herriko plaza jendez bete zen dantza taldeak Zigor Lanpre DJ-aren laguntzaz aurkeztu zuen ikuskizuna ikusteko. Hiru dantzaz osatzen da 'Karrikan' eta bakoitza koreografo batekin landu dute; Damian Muñozekin eta Virginia Gartziarekin lehena, Iker Gomezekin bigarrena eta hirugarrena Pantxika Telleriarekin. Euskal gai tadizionalak dira lantzen dituztenak, guztiak ere, umorez jantzirik.
Ikuskizun benetan indartsua da Karrikan. Propio kalean egiteko sortu eta hiru koreografiaz osatzen den ikuskizuna. Nekeaz jarduten du lehenego koreografiak. Bigarrenean, fandagoa da oinarri. Hirugarrena, aldiz, oreka berrezarri nahi duten lau gizonezkoen arteko errituala da. Gerra sinbolo bat, bakea eraikitzeko.
Arrasateko plazan herritar mordoa bildu zen ikuskizuna ikustera. Batzuk propio hura ikustera joan zirenak, eta beste asko eta asko, ustekabean harrapatu eta bertan gelditu zirenak.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.