Izena ematen duen erretiratu bakoitzak 760 euro ordaindu beharko du eta prezio horren barruan honakoa sartuko da: Arrasatetik joaneko eta itzulerako bidaia erosotasun guztiak dituen autobusean, sei gau hiru izarreko hotel baten, egonaldian zehar Parisko jatetxeetan egingo diren bazkariak, bidaian zehar egingo diren bi bazkari, Louvre museorako sarrera, Sena ibaian zehar Bateau Mouche-an egingo den paseoa, Versallesko jauregirako sarrera, Ruan katedralerako sarrera, Chambord gaztelurako sarrera, istripuetarako unean bertan jasotzeko asistentzia-asegurua eta gauero pertsona bakoitzari emango zaion 30 euroko gehiagarria. Hala, sei irteera egingo dituzte, egonaldiak iraungo duen egun bakoitzeko bat; sei egunetan hamaika txoko bisitatuko dituzte, beraz.
Izenematea, uztailaren 18tik abuztuaren 5era arte
Bazkideendako izenematea uztailaren 18an irekiko da, abuztuaren 5era arte. Abaroako bazkide ez direnek ere denbora tarte horretan eman beharko dute izena baina ez dute toki finkorik izango uztailaren 27ra arte. Autobuseko lekuak izenematearen ordenaren arabera beteko dira.